Corn Gluten meal ဆိုတာ ပြောင်းဆန်ကြိတ်ထားတဲ့ အမှုန့်ဖြစ်ပြီး ကြက်စာနဲ့ တခြားတိရိစ္ဆာန်အဖြစ်အသုံးပြုလေ့ရှိပါတယ်။ ဒါ့အပြင် Organic ပေါင်းသတ်ဆေးအဖြစ်လည်း အသုံးပြုနိုင်ပါသေးတယ်။ Corn Gluten meal မှာဆိုလျှင် နိုင်ထရိုဂျင် ၁၀% ပါဝင်ပါတယ်။ ပေါင် ၁၀၀ ရှိတဲ့ ပြောင်းမှုန့်တွေမှာ နိုင်ထရိုဂျင် ၁၀ပေါင် ပါဝင်ပါတယ်။ Organic အခြေခံ နိုင်ထရိုဂျင်ဖြစ်တဲ့အတွက် ဖြေးဖြေးချင်းစား မြေသြဇာအဖြစ် ၃လမှ ၄လအထိ မြေတွင်းတည်ရှိကာအပင်က တဖြည်းဖြည်းချင်း
စုပ်ယူနိုင်ပါတယ်။
Corn Gluten ဘယ်လိုအလုပ်လုပ်တာလဲ?
ပြောင်းဆန်မှုန့်တွေဟာ မြေတွင်းပေါင်းစေ့များရဲ့ အညှောင့်များထွက်ချိန်ကို မူမှန်ပုံစံမထွက်အောင် တားဆီးဟန့်တားနိုင်ပါတယ်။ မျိုးစေ့အညှောင့်ပေါက်ချိန်မှာ မြေတွင်းရေခန်းခြောက်ပြီး အပင်မပေါက်အောင် ဟန့်တားပစ်ပါတယ်။
ပေါင်းသတ်ဆေးအဖြစ် ကြိုတင် ကြဲပက်အသုံးပြုရတဲ့ ပစ္စည်းဖြစ်ပါတယ်။
ပေါင်းစေ့များအညှောင့်ပေါက်ချိန် အညှောင့်ပေါက်ပြီးချိန်ကျမှ ကြဲပက်မိပါက ပေါင်းပင်များအတွက်မြေသြဇာဖြစ်သွားတတ်ပါတယ်။
ပြောင်းဆန်မှုန့်ကို ပေါင်းသတ်ဆေးအဖြစ်ကြဲပက်ပြီးချိန် မိုးရွာရန်လိုအပ်သလို ကြဲပက်ပြီး ၅ရက်တွင်း အစိုဓာတ်မရှိပါက ရေအစိုဓာတ် ၄ လက်မအထိ ရှိအောင် သွင်းပေး/ ဖျန်းပေးရပါမယ်။ ရာသီခြောက်သွေ့ပြီး အစိုဓာတ်ခမ်းခြောက်ချိန်မှာ ပြောင်းဆန်မှုန့်များက ပေါင်းစေ့များပေါက်ခြင်းကို ဖျက်စီးဟန့်တားပါလိမ့်မယ်။
အကယ်လို့ လုပ်နိုင်ပါက အပေါ်ယံမြေကို ပလပ်စတစ်၊ သတင်းစာစက္ကူ များဖြင့် ပေါင်းမြက်များ ဖုံးအုပ်ပြီး ခင်းထားပေးပါက ပိုမိုထိရောက်သော ပေါင်းသတ်ခြင်းကို ရနိုင်ပါတယ်။
ပြောင်းဆန်မှုန့် ဘယ်လောက်လိုလဲ?
ပြောင်းဆန်မှုန့် corn gluten meal များဟာ ပေါင်းစေ့ ၆၀% အထိ ၄ - ၆ ပတ်အတွင်း ထိန်းချုပ်နိုင်ပါတယ်။ ပေါင်းမြက်ထိန်းမနိုင်သော မြေအမျိုးစားများတွင် လစဉ် မိုးတွင်းမှ ကြဲပက် အသုံးပြုသင့်ပါတယ်။ မြေအကျယ် ၁၀၀ ပေ x ၁၀၀ ပေ ပတ်လည်ကို ပေါင် ၂၀ အသုံးပြုလေ့ရှိပါတယ်။ ပြောင်းဆန်မှုန့် ပေါင် ၂၀ အသုံးပြုခြင်းဟာ နိုင်ထရိုဂျင် မြေသြဇာ ၂ပေါင် ကျွေးတာနဲ့ ညီမျှပါတယ်။
Corn gluten meal ပြောင်းဆန်မှုန့် ဟာ pre emergence herbicide ဖြစ်ပြီး ကုန်ကျစားရိတ်သက်သာစွာနဲ့ အသုံးပြုနိုင်တဲ့အပြင် လက်နဲ့ ကိုင်တွယ်ကြဲပက်သော်လည်း လူကိုအန္တရယ်လုံးဝမဖြစ်နိုင်ပါ။
မှတ်ချက်
ကျွန်တော့်အနေနှင့် လက်တွေ့အသုံးပြု စမ်းသပ်မှု ပြုလုပ်ထားသော အဖြေမရှိပါ။ Internet မှ မှီငြမ်း ဖော်ပြထားသော စာသာဖြစ်ပါတယ်။
Khant Zaw Htet
No comments:
Post a Comment