မြေနဲ့အတူ ရေးပေးစနစ်ဟာလည်း အတူတွဲအရေးကြီးတဲ့ အချက်ဖြစ်ပါတယ်။ စိုက်ပျိုးရေရရှိ ရေးဟာ ဟင်းသီးဟင်းရွက်စိုက်ပျိုးရေးမှာ အဓိကအချက်ဖြစ်သလို အသုံးပြုရမယ့် ရေအမျိုး အစားနဲ့ ရေရဲ့အရည်အသွေးဟာလည်း သတိပြုရမယ့်အချက်ဖြစ်ပါတယ်။ မိုးရာသီစိုက်ပျိုးတဲ့ ဟင်းသီးဟင်းရွက်အများစုအတွက် မိုးရွာသွန်းမှု မှန်ကန်တဲ့ဒေသများမှာ ရေပေးသွင်းရန် မလို ပေမဲ့ မိုးရွာသွန်းမှု မမှန်တဲ့ဒေသများ အထူးသဖြင့် အပူပိုင်းမိုးနည်းရပ်ဝန်းဒေသများမှာ စိုက်ပျိုးတဲ့ မိုးရာသီ ဟင်းသီးဟင်းရွက်များရဲ့ ရေလိုအပ်ချက်အတွက် ရနိုင်တဲ့ ရေအရင်းအမြစ် များကို အသုံးပြုကြရတာမို့ အသုံးပြုတဲ့ရေအရည်အသွေးဟာ အထူးအရေးကြီးပါတယ်။ အပူ ပိုင်းဒေသများမှာရှိကြတဲ့ ဆည်ရေ၊
ချောင်းရေနဲ့ သွင်းရေအများစုဟာ အငံဓာတ်များတဲ့ရေများ ဖြစ်ကြတဲ့အတွက် ခံနိုင်ရည်ရှိမဲ့ ဟင်းသီးဟင်းရွက်အမျိုးအစား ရွေးချယ်စိုက်ပျိုးနိုင်မှသာ အောင်မြင်မှုရနိုင်မှာ ဖြစ်ပါတယ်။ ဟင်းသီးဟင်းရွက်များအတွက် အသုံးပြုရန်သင့် မသင့်၊ စိုက်ပျိုးရေ အရည်အသွေးကိုလည်း ဓာတ်ခွဲစမ်းသပ်ပြီးမှ အသုံးပြုသင့်ပါတယ်။
စိုက်ပျိုးတဲ့ သီးနှံအမျိုးအစားပေါ်မူတည်ပြီး ရေပေးသွင်းနည်း စနစ်များကို သင့်တော်သလို အသုံးပြုကြရမှာဖြစ်ပါတယ်။ တစ်ပိုင်တစ်နိုင် စိုက်ပျိုးထုတ်လုပ်ကြတဲ့ တောင်သူအများစုဟာ ရေဖျန်းစိုက်ပျိုးကြတာများပြီး ရေတွင်း၊ ရေကန်များမှတစ်ဆင့် ရေစုပ်စက်များသုံးပြီး ရေဖျန်း၊ ရေလောင်းလာကြတာကို တွေ့ရပါတယ်။ ဆောင်းရာသီနဲ့ နွေရာသီမှာ စိုက်ကြတဲ့ ဟင်းသီးဟင်း ရွက်များမှာ ရေသွင်းစိုက်ကြတာများလို့ ရေအရည်အသွေးကောင်းမွန်ရေးနဲ့ ရေပေးစနစ် မှန်ကန် ရေးဟာ အထူးအရေးကြီးပါတယ်။ အထူးသဖြင့် အညာဒေသ ဆည်ရေ၊ ချောင်းရေနဲ့ တွင်းရေ များကို အသုံးပြုစိုက်ပျိုးသူများ အထူးသတိပြုရမယ့်အချက် ဖြစ်ပါတယ်။
ဖူးပွင့်ဝေမဂ္ဂဇင်း အတွဲ(၁)၊ အမှတ်(၁) ဟင်းသီးဟင်းရွက် အထွက်တိုးရေးနှင့်အတူ အရည်အ သွေးမြင့်မားပြီး ဈေးကွက်အကြိုက်ကိုပါ ဦးတည်ထုတ်လုပ်ကြရန်လိုအပ်လာပြီ ဆောင်းပါးမှ ကောက်နှုတ်ဖော်ပြထားပါသည်။
No comments:
Post a Comment