သြဂဲနစ်ဟင်းသီးဟင်းရွက် စိုက်ပျိုးခြင်း

သြဂဲနစ်စိုက်ပျိုးရေးဆိုသည်မှာ ဓါတ်မြေသြဇာ၊ ဓါတုပိုးသတ်ဆေးများမပါဝင်ပဲ သဘာဝအတိုင်း စိုက်ပျိုးထား သော စိုက်ပျိုးနည်းကို ဆိုလိုသည်။ ဟင်းသီးဟင်းရွက်များသည် လူတိုင်း နေ့စဉ်စားသုံးနေရသော အာဟာရ ဖြစ်ပြီး ခန္ဓာကိုယ်ကျန်းမာကြံ့ခိုင်ရေးအတွက် အထောက်အကူဖြစ်ပါသည်။ မိမိခြံနောက်ဖက်တွင် ကိုယ်တိုင်စိုက် ပျိုး ထုတ်လုပ်နိုင်သည်။ ရိုးရှင်းလွယ်ကူသည့်အပြင် မိမိကလေးများနှင့် ပျော်ရွင်စွာ
ဆောင်ရွက်နိုင်ပါသည်။ ဟင်းသီးဟင်းရွက်စိုက်ခင်းများတွင် ပိုးသတ်ဆေးများ၊ မြေသြဇာများ သုံးစွဲခြင်းဖြင့် ကျန်းမာရေးနှင့် ပါတ်ဝန်း ကျင်ကို ထိခိုက်စေကြောင်း လူထုကသတိပြုမိပြီး ဖြစ်ပါသည်။ ပို၍စိုက်ပျိုးထုတ်လုပ်လာလေ စားသုံးသူများ အား ထိခိုက်မှုပိုများလာစေပါသည်။

ယခင်က တောင်သူလယ်သမားများသည် ပိုသတ်ဆေး/မြေသြဇာများမသုံးစွဲဘဲ သွင်းရေနှင့် နေရာင်ခြည်ကိုသာ မှီခိုအားကိုး စိုက်ပျိုးထုတ်လုပ်ခဲ့ပါသည်။ မြေ၊ ရေနှင့်နေရောင်ခြည် လုံလောက်စွာရရှိပါက ကောင်းစွာ စိုက်ပျိုး နိုင်မည်ဖြစ်ပါသည်။ ဥပမာ - ဂေါ်ဖီထုတ်၊ ပန်းဂေါ်ဖီအစိမ်း၊ မုန်လာဥနီ၊ ကြက်သွန်၊ အာလူးစသည့် ရာသီဥတု၊ မြေအခြေအနေနှင့် လိုက်ဖက်သင့်တော်သော သီးနှံများကို ရွေးချယ်ရမည်ဖြစ်သည်။ စိုက်ပျိုးမည့်နေရာသည် ရေ ကောင်းစွာ စီးဆင်းနိုင်အောင် ဆောင်ရွက်ရမည်ဖြစ်သည်။ သို့မဟုတ် ရေစီးရေလာကောင်းသော လေဝင်လေ ထွက်ကောင်းသောနေရာတွင် ရွေးချယ် စိုက်ပျိုးနိုင်ပါသည်။ စိုက်ပျိုးရန်ပြင်ဆင်ပြီးပါက သြဂဲနစ်မျိုးစေ့များကို ဝယ်ယူနိုင်ပါသည်။ မစိုက်ပျိုးမီ ညွှန်ကြားချက်များကို သေချာစွာ လေ့လာရန်လိုအပ်ပါသည်။ ပေါင်းမြက်၊ အင်းဆက်ပိုးမွှားများကို ဇီဝနည်းဖြင့် နှိမ်နင်းနိုင်သည်။ ဥပမာ - ငှက်၊ ဖား အကျိုးပြု အင်ဆက်များ၊ ထို့အပြင် ခြံစည်းရိုးများ လုပ်ဆောင်ခြင်း၊ တိရိစ္ဆာန်မွှေးများ၊ ကလေးပေါင်ဒါ၊ ဆပ်ပြာ စသည့်တို့ကို အသုံးပြု၍လည်း နှိမ်နင်းနိုင်သည်။ ဖုံးအုပ်ခြင်းသည်လည်း နည်းလမ်းကောင်းဖြစ်သည်။ အရွက်ခြောက်များ၊ အကိုင်းများ၊ မြေ ဆွေးများဖြင့် ဖုံးအုပ်နိုင်သည်။

ပုံးများကို အသုံးပြု၍လည်း စိုက်ပျိုးနိုင်သည်။ မြေစေး၊ သစ်သား၊ ပလပ်စတစ်များဖြင့် ပြုလုပ်ထားသော ပုံး များဖြင့် ထည့်သွင်းစိုက်ပျိုးနိုင်သည်။ ရေမှန်မှန်လောင်းရန်နှင့် နေရောင်ခြည်ရရှိစေရန် လိုအပ်ပါသည်။

 အလွန်အေးသောရက်များတွင် ထိုပုံးဖြင့် စိုက်ထားသော အပင်လေးများကို အထဲသို့ရွေ့ထားရမည့်ဖြစ်သည်။ ပုံးများနှင့်စိုက်ပျိုးပါက လိုအပ်သလို ရွှေ့ပြောင်းထားနိုင် သဖြင့် နေရောင်ခြည်ရရှိမှု၊ အအေးဒဏ်ကာကွယ်မှုတို့အတွက် လွယ်ကူစေသည်။ ပြင်ပတွင်စိုက်သကဲ့သို့ပင် ပေါင်းမြက်များကို နှိမ်နင်းပေးရမည်ဖြစ်သည်။ ပုံးဖြင့်စိုက်ပါက ရေမများစေရန် ဂရုပြုရမည်ဖြစ်သည်။ လေဝင် လေထွက်ကောင်းစေရန် ပုံးများကိုအပေါက် ဖောက်ပေးရမည်ဖြစ်သည်။



သြဂဲနစ်စိုက်ပျိုးရေးဆောင်ရွက်ရန်အခြေခံလိုအပ်ချက်များမှာ
၁။ ရေမြေသဘာဝနှင့်ကိုက်ညီသော မျိုးစေ့များကို ရွေးချယ်စိုက်ပျိုးရမည်။ မိုးရေချိန်နည်းပါက ခြောက်သွေ့မှု၊ ရေငတ်ဒဏ်ခံနိုင်ရည်ရှိသော မျိုးများကိုရွေးချယ်သင့်သည်။ စိုက်ပျိုးမည့် မြေနေရာအကျယ်အဝန်းပေါ်မူတည်၍ သီးနှံရွေး ချယ်ရမည်ဖြစ်သည်။ ထို့အပြင် နေရောင်ခြည်ရရှိမှုသည်လည်း အရေးပါသည်။ တစ်နေ့လျှင် အနည်းဆုံး ၆ နာရီမှ ၇ နာရီ အထိ နေရောင်ခြည် ကောင်းစွာရရှိရန်လိုအပ်သည်။ ရေစီးရေလာ ကောင်းမွန် သောနေရာဖြစ်စေရမည်။ သို့မှသာ ရေကိုမလို အပ်သောအချိန်တွင် ထုတ်ပြစ်နိုင်မည်ဖြစ်သည်။ အချို့သောသီးနှံများသည် အိမ်မြေအတွင်း စိုက်ပျိုးရန်ခက်ခဲသည်ကို တွေ့နိုင်သည်။ စိုက်ပျိုးမည့် သီးနှံ ရွေးချယ်ရာတွင် ယခင် အတွေ့ကြုံကောင်းရှိသူများနှင့် တိုင်ပင်သင့်သည်။
၂။ မစိုက်ပျိုးမီ ထွန်ယက်၍ ကျောက်ခဲ၊ ပေါင်း စသည်တို့ကို ရှင်းလင်းဖယ်ရှားထားရမည်။ စိုက်ပျိုးစဉ် ကာလတစ်လျှောက် ပေါင်းမြက်ကင်းစင်စေရန် ဆောင်ရွက်ရမည်ဖြစ်သည်။
၃။ မြေဆီလွှာအဟာရဓါတ်များ တိုးစေရန်အတွက် အရိုးမှုန့်များ၊ မြေဆွေးများ၊ ကျောက်မှုန့်များ ထည့်သွင်းပေး ခြင်း ဆောင်ရွက်နိုင်သည်။ မြေချဉ်ငံကိန်းကိုသိစေရန် pH မီတာ ဖြင့်တိုင်းတာရန်လိုအပ်သည်။ သီးနှံများသည် တစ်ခုနှင့်တစ်ခု လိုအပ်သော ချဉ်ငံကိန်းမှာ မတူညီကြချေ။ pH နိမ့်ပါက ထုံးထည့်ပြုပြင်နိုင်ပြီး မြင့်ပါက ဂျစ်ပဆန်ထည့်၍ပြုပြင်နိုင်သည်။ သြဂဲနစ်ပစ္စည်းအကြွင်းကျန်များကို ထည့်သွင်းပေးခြင်းသည် သီးနှံအရည် အသွေးနှင့် အထွက်နှုန်းကိုသိသာစွာ အထောက်အကူပြုမည်ဖြစ်သည်။ မစိုက်ပျိုးမီ ၁ လ ကြိုတင်၍ သစ်ရွက် ဆွေးများ ကော်ဖီမှုန့်အကျန်များ၊ ကြက်ဥအကာနှင့် မီးဖိုချောင်အမှိုက်များကို ထည့်သွင်းပေးထားသင့်သည်။ ဇီဝမြေသြဇာများအဖြစ် အီးအမ်ဘိုကာရှီ၊ စူပါဘိုကာရှီ၊ ဒိုချက်ကင်၊ ငါးအမိုင်နိုအက်စစ် စသည်ဖြင့် များစွာ အသုံးပြုနိုင်ပါသည်။
၎။ စိုက်ပျိုးချိန်တွင် မျိုးစေ့များအား လုံလောက်သောအကွာအဝေး ထားပေးရမည်။
၅။ ပိုးမွှားကျရောက်မှုကို ကာကွယ်ရန်အတွက် ဇီဝနည်းကိုအသုံးပြုနိုင်သည်။ ဥပမာ ငှက်၊ ဖား စသည်တို့ကို အသုံးပြုနိုင်သည်။ ရေကန်ငယ်လေးများ ပြုလုပ်ပေးထားပါက ဖားကလေးများလာရောက်ကာ သီးနှံပင်အား ဖျက်ဆီးသော ပိုးမွှားများကို နှိမ်နင်းနိုင်မည်ဖြစ်သည်။ ကျွဲ၊ နွားများ မဝင်ရောက်စေရန် အကာအရံများ ပြုလုပ် ထားရမည်။ ထို့အပြင် စေးကပ်သောပစ္စည်းများကို အသုံးပြုကာ အင်းဆက်များကို နှိမ်နင်းနိုင်သည်။ သီးနှံ မျိုးကွဲများကို တစ်ပြိုင်တည်းစိုက်ပျိုးခြင်းဖြင့် ပိုးမွှားရော ဂါများကို ကာကွယ်နိုင်သည်။ သဘာဝပိုးသတ်ဆေး များကို အသုံးပြုနိုင်သည်။ ဥပမာ တမာဆေးဆီ၊ ကြက်သွန်ဖြူပိုးသတ်ဆေးရည် စသည်ဖြင့် အသုံးပြုနိုင်သည်။
၆။ သီးလှည့်စိုက်ပျိုးခြင်းဖြင့်လည်း ပိုးမွှားရောဂါများကို ကာကွယ်နိုင်သည်။ မြေဆီသြဇာ ကောင်းစေသည်။ ပထမသီးနှံရိတ်သိမ်းပြီးပါက နောက်သီးနှံကို ဆက်တိုက်စိုက်ပျိုးနိုင်သည်။ သီးနှံမျိုးစုံ စိုက်ပျိုးထုတ်လုပ် နိုင်မည်ဖြစ်သည်။
၇။ မိမိတို့၏ ခြံနောက်ဖက်တွင် လွယ်လင့်တကူ လေ့လာစိုက်ပျိုးနိုင်သည်။
၈။ တချို့သောနိုင်ငံများတွင် သြဂဲနစ်စိုက်ပျိုးရေးအတွက် အစိုးရမှ ထောက်ပံ့ချေးငွေများ ထုတ်ပေးခြင်းဖြင့် အားပေး ဆောင်ရွက်လျက်ရှိပါသည်။ သြဂဲနစ်စိုက်ပျိုးရေးကို ဖန်လုံအိမ်များဖြင့်လည်း စိုက်ပျိုးနိုင်သည်။
သြဂဲနစ်သီးနှံများကို စိုက်ပျိုးထုတ်လုပ်ခြင်းဖြင့် ကျန်းမာရေးကို အထောက်အကူဖြစ်စေပါသည်။ ပိုမိုစိုက်ပျိုး ထုတ်လုပ်နိုင်ပါက အိမ်နီးနာချင်းများကို ရောင်းချနိုင်သဖြင့် အပိုဝင်ငွေရရှိစေသည်။ မိမိခြံတွင်း သာယာလှပစေ သဖြင့် သြဂဲနစ် စိုက်ပျိုးရေးကို တစ်ပိုင်တစ်နိုင် ဆောင်ရွက်သင့်လှပါသည်။
မေဖြိုးဝေ