ရာသီစာစိမ်းစားဥကြော်နည်းနှင့် ကော်ပြန့်လုပ်နည်း

 

ယခုကာလသည် စိမ်းစားဥများပေါပေါလောလောရရှိသောရာသီဖြစ်ပါသည်။ စိမ်းစားဥသည်အာလူးနှင့်မျိုးနွယ်တူသော်လည်း ရှင်သန်ကြီးထွားမှုပုံစံသည် ပဲပင်နှင့်ဆင်သောကြောင့် တစ်ချို့အရပ်များတွင်ပဲစိမ်းစားဥဟုခေါ်ဝေါ်ကြပါသည်။ စိမ်းစားဥကို‌ ပုံမှန်သစ်သီးကဲ့သို့ပင်စားသုံး၍ရရုံသာမက ကြော်စား၍လည်းရပါသေးသည်။ ထို့ကြောင့်စိမ်းစားဥကြော်နည်းနှင့် သတ်သတ်လွတ်စိမ်းစားဥ‌ကော်ပြန့်လုပ်နည်းအဆင့်ဆင့်ကိုဖော်ပြလိုက်ပါသည်။

ပါဝင်ပစ္စည်းများ

- စိမ်းစားဥ

- ဆီ

- ဆား နှင့်အချိုမှုန့်(သို့)အရသာမှုန့်

- နနွင်း

ပထမဦးစွာ စိမ်းစားဥကိုအခွံနွှာပြီး ရေစင်အောင်ဆေးပေးရပါမည်။ ပြီးနောက်အနေတော်အရွယ်အစားရအောင်လှီးပေးရပါမည်။ ပြီးလျှင်ဆားနှင့်အချိုမှုန့် (သို့မဟုတ်)ကြက်သားမှုန့်၊ နနွင်းမှုန့်များထည့်ပြီးနယ်ပေးရပါမည်။ ပြီးလျှင်ဆီပူပူ၍ ရွှေအိုရောင်သန်းသည်အထိ ကြော်ပေးရပါမည်။ ပြီးလျှင်ဆီစစ်ပြီးအရသာရှိသောစိမ်းစားဥကြော်ကို သုံးဆောင်နိုင်ပါပြီ။

သတ်သတ်လွတ်စိမ်းစားဥကော်ပြန့်ကြော် 

ပါဝင်ပစ္စည်းများ 

- စိမ်းစားဥ

- ပဲပင်ပေါက်

- ကြက်သွန်နီ

- မုန်လာဥနီ

- ဂေါ်ဖီ

- အချဉ်ရည်

- ကော်ပြန့်ရွက်

- ကြက်သားမှုန့်

- ငရုတ်ကောင်း

ပထမဦးစွာ စိမ်းစားဥများကိုအခွံနွှာ ရေဆေးပြီး အချောင်းငယ်လေးများပုံစံရအောင် လှီးပေးရပါမည်။မုန်လာဥနီများကိုလည်း ထိုနည်းအတိုင်းလှီးပေးရပါမည်။ ကြက်သွန်နီကိုအတုံးသေးသေးလေးများရအောင်တုံးပေးရပါမည်။ ပဲပင်ပေါက်ကိုလည်း ရေစင်စင်ဆေးပေးရပါမည်။ ဂေါ်ဖီကိုလည်း အနေတော်အရွယ်အစားရအောင် လှီးပေးရပါမည်။ အားလုံးလုပ်ပြီးပါက ကြက်သားမှုန့်နှင့်ငရုတ်ကောင်းမှုန့်အနည်းငယ်ထည့်ပြီး နယ်ပေးရပါမည်။ ပြီးလျှင်ကော်ပြန့်ရွက်ဖြင့် လိပ်ပေးရပါမည်။ လိပ်ရာတွင်ကျစ်နေအောင်လိပ်ပေးရပါမည်။ ထို့နောက်ဆီပူပူတွင်မီးအေးအေးဖြင့်ရွှေအိုရောင်သန်းသည်အထိကြော်ပေးရပါမည်။ ပြီးလျှင်ဆီစစ်ပြီးကြိုက်နှစ်သက်ရာအချဉ်ရည်ဖြင့်သုံးဆောင်နိုင်ပါပြီ။

အရသာရှိလှတဲ့ စိမ်းစားဥကို ဒီနည်းလမ်းတွေနဲ့လည်း လုပ်စားကြည့်ကြပါဗျ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 

ငါးအငယ်စားလေးများနှင့် ပြုလုပ်ကြသောရိုးရာအစားအစာ ပါစွန်ပြုလုပ်နည်း

 

ငါးတောင်စင်း၊ ငါးစရစ်၊ ငါးလက်ကပ်၊ ဒေါင်းပဆိပ်၊ ငါးမြီးထောင်စတဲ့ ငါးအငယ်စားလေးများထဲမှ နှစ်သက်ရာငါးတစ်မျိုးမျိုးဖြင့် ပြုလုပ်ကြသော ပါစွန်မှာ အနောက်ပိုးကရင်တို့၏ ရိုးရာအစားအစာ တစ်မျိုးလည်းဖြစ်ပါသည်။

ပါစွန် ပြုလုပ်သောငါးမှာ ကလေးငယ်၏လက်သန်းမျှရှိသော ငါးအငယ်စားတစ်မျိုးမျိုးနှင့် ပြုလုပ်လေ့ရှိကြပါသည်။ အနောက်ပိုးကရင်တို့ကမူ ပါစွန်ကို ငါးမြီးထောင်ငါးသေးသေးလေးနှင့်ပြုလုပ်ကြပြီး ထိုငါးလေး၏အရောင်မှာ မည်းနက်နေပြီး ရွံ့နွံ ထူထပ်သောအရပ်နှင့် သစ်ရွက်ဆွေးများရှိသောအရပ်တွင် အုပ်စုဖွဲ့နေတတ်ကြပါသည်။ ငါးပုံသဏ္ဍန်မှာ အရုပ်ဆိုးသည်ထင်ရသော်လည်း ငါးကျောက်ဖားကဲ့သို့ပင် အလွန်ချိုသဖြင့် အမြင်ဆိုးသော်လည်း အမျိုးကရွှေဟူ၍ တင်စားခေါ်ဝေါ်ကြကြောင်း သိရှိရပါသည်။ ထို့ပြင် ငါးမြီးထောင်ငါးဖြင့် ပြုလုပ်သော ငါးပိမှာလည်း မွှေးဆိမ့်ပြီး ရှားပါး၍စျေးကြီးကြောင်း ဒေသခံများ ပြောပြချက်အရသိရပါသည်။

ပါစွန်ပြုလုပ်ဖို့အတွက်ဆို ငါးအငယ်စား(တစ်မျိုးမျိုး)၊ ဆန်ကွဲ၊ ဆားနှင့် ငှက်ပျောဖက်(သို့) တောင်စွန်ဖက်တို့ လိုအပ်ပါသည်။ ဆန်ကွဲကိုလှော်ရပါသည်။

ပြုလုပ်နည်းမှာ-

၁။ ငါးတောင်စင်း(သို့)ငါးမြီးထောင်(သို့) ငါးအငယ်စားတစ်မျိုးမျိုးတို့ကို ရေစင်အောင်ဆေးပြီး ရေစစ်ထားပါ။

၂။ ရေစစ်ပြီးသော ငါးလေးများကို ဆားအနည်းငယ်နှင့်နီရဲအောင်လှော်ထားသော ဆန်ကွဲတို့ဖြင့် ရောနယ်ရပါမည်။ (တစ်ချို့မှာ ဆန်ကွဲအစိမ်းကိုသုံးကြပါသည်။)

၃။ ပြီးလျှင် ငှက်ပျောဖက်(သို့)တောင်စွန်ဖက်များဖြင့် လေလုံအောင် တင်းကျပ်စွာ ထုပ်ပိုးထားရပါမည်။

၄။ ၃ရက်ပြည့်သောအခါ စား၍ရသော ပါစွန်ချဥ်ကို ရပြီဖြစ်ပါသည်။

ပါစွန်ချဥ်ကို ကြက်သွန်နီ ပါးပါးလှီး၍ ပဲဆီမွှေးမွှေးဆမ်းကာ ငရုတ်သီးစိမ်း၊ နံနံပင်၊ ရှမ်းနံနံတို့ဖြင့် သုပ်စားကြပါသည်။ အရသာချဥ်ချဥ်ဆိမ့်ဆိမ့်မွှေးမွှေး ပါစွန်ချဥ်သုပ်နှင့် ပီလောရွက်ဟင်းချိုကို ပင်စိမ်းလေးခပ်ပြီး တွဲဖက်စားသောက်ပါက အလွန်ထမင်းမြိန်လှပါသည်။ ပါစွန်ချဥ်သည် ခံတွင်းပျက်နေသူများ၊ အစာအိမ်မကောင်းသူများအတွက် ဆေးတစ်ခွက်လည်း ဖြစ်ပါသည်။

မှီငြမ်း-နော်ဒိုင်းနာ(ကော့လှိုက်)၏ရိုးရာအစားအစာ ပါစွန် ပြုလုပ်နည်း

ငါးတောင်စင်း၊ ငါးစရစ်၊ ငါးလက်ကပ်၊ ဒေါင်းပဆိပ်၊ ငါးမြီးထောင်စတဲ့ ငါးအငယ်စားလေးများထဲမှ နှစ်သက်ရာငါးတစ်မျိုးမျိုးဖြင့် ပြုလုပ်ကြသော ပါစွန်မှာ အနောက်ပိုးကရင်တို့၏ ရိုးရာအစားအစာ တစ်မျိုးလည်းဖြစ်ပါသည်။

ပါစွန် ပြုလုပ်သောငါးမှာ ကလေးငယ်၏လက်သန်းမျှရှိသော ငါးအငယ်စားတစ်မျိုးမျိုးနှင့် ပြုလုပ်လေ့ရှိကြပါသည်။ အနောက်ပိုးကရင်တို့ကမူ ပါစွန်ကို ငါးမြီးထောင်ငါးသေးသေးလေးနှင့်ပြုလုပ်ကြပြီး ထိုငါးလေး၏အရောင်မှာ မည်းနက်နေပြီး ရွံ့နွံ ထူထပ်သောအရပ်နှင့် သစ်ရွက်ဆွေးများရှိသောအရပ်တွင် အုပ်စုဖွဲ့နေတတ်ကြပါသည်။ ငါးပုံသဏ္ဍန်မှာ အရုပ်ဆိုးသည်ထင်ရသော်လည်း ငါးကျောက်ဖားကဲ့သို့ပင် အလွန်ချိုသဖြင့် အမြင်ဆိုးသော်လည်း အမျိုးကရွှေဟူ၍ တင်စားခေါ်ဝေါ်ကြကြောင်း သိရှိရပါသည်။ ထို့ပြင် ငါးမြီးထောင်ငါးဖြင့် ပြုလုပ်သော ငါးပိမှာလည်း မွှေးဆိမ့်ပြီး ရှားပါး၍စျေးကြီးကြောင်း ဒေသခံများ ပြောပြချက်အရသိရပါသည်။

ပါစွန်ပြုလုပ်ဖို့အတွက်ဆို ငါးအငယ်စား(တစ်မျိုးမျိုး)၊ ဆန်ကွဲ၊ ဆားနှင့် ငှက်ပျောဖက်(သို့) တောင်စွန်ဖက်တို့ လိုအပ်ပါသည်။ ဆန်ကွဲကိုလှော်ရပါသည်။

ပြုလုပ်နည်းမှာ-

၁။ ငါးတောင်စင်း(သို့)ငါးမြီးထောင်(သို့) ငါးအငယ်စားတစ်မျိုးမျိုးတို့ကို ရေစင်အောင်ဆေးပြီး ရေစစ်ထားပါ။

၂။ ရေစစ်ပြီးသော ငါးလေးများကို ဆားအနည်းငယ်နှင့်နီရဲအောင်လှော်ထားသော ဆန်ကွဲတို့ဖြင့် ရောနယ်ရပါမည်။ (တစ်ချို့မှာ ဆန်ကွဲအစိမ်းကိုသုံးကြပါသည်။)

၃။ ပြီးလျှင် ငှက်ပျောဖက်(သို့)တောင်စွန်ဖက်များဖြင့် လေလုံအောင် တင်းကျပ်စွာ ထုပ်ပိုးထားရပါမည်။

၄။ ၃ရက်ပြည့်သောအခါ စား၍ရသော ပါစွန်ချဥ်ကို ရပြီဖြစ်ပါသည်။

ပါစွန်ချဥ်ကို ကြက်သွန်နီ ပါးပါးလှီး၍ ပဲဆီမွှေးမွှေးဆမ်းကာ ငရုတ်သီးစိမ်း၊ နံနံပင်၊ ရှမ်းနံနံတို့ဖြင့် သုပ်စားကြပါသည်။ အရသာချဥ်ချဥ်ဆိမ့်ဆိမ့်မွှေးမွှေး ပါစွန်ချဥ်သုပ်နှင့် ပီလောရွက်ဟင်းချိုကို ပင်စိမ်းလေးခပ်ပြီး တွဲဖက်စားသောက်ပါက အလွန်ထမင်းမြိန်လှပါသည်။ ပါစွန်ချဥ်သည် ခံတွင်းပျက်နေသူများ၊ အစာအိမ်မကောင်းသူများအတွက် ဆေးတစ်ခွက်လည်း ဖြစ်ပါသည်။

မှီငြမ်း-နော်ဒိုင်းနာ(ကော့လှိုက်)၏ရိုးရာအစားအစာ ပါစွန် ပြုလုပ်နည်း

ဝိုင် ပြုလုပ်နည်း (၁၂) မျိုး စုစည်းမှု

 

စိုက်ပျိုးရေးမှာ ကုန်ကြမ်းတွေမဟုတ်ဘဲ ကုန်ချောတွေရောင်းချနိုင်ဖို့ ကြိုးစားလာကြတာတွေ့ရပါတယ်။ ပုံစံတွေပြောင်းလိုက်ခြင်းအားဖြင့် တန်ဖိုးတွေမြင့်သွားတာကြောင့် သီးနှံစျေးကွက်ပျက်တဲ့အချိန်မှာ ဒီနည်းလမ်းတွေက အသက်ရှူချောင်စေမှာပါ။

လေလွင့်တာတွေမဖြစ်တော့ဘဲ ကုန်ချောတွေထုတ်နိုင်ဖို့ ဒီတစ်ပတ်မှာတော့ ကုန်ချောအမျိုးအစားများစွာရှိတဲ့အထဲက ဝိုင်လုပ်နည်းတွေကို စုစည်းဖော်ပြပေးလိုက်ရပါတယ်။

၁။ ချင်း (ဂျင်း) ဝိုင်

၂။ နဂါးမောက်ဝိုင် ပြုလုပ်နည်း

၃။ လိမ္မော်သီးဝိုင် ပြုလုပ်နည်း

၄။ ပြောင်းဖူးဝိုင် ပြုလုပ်နည်း

၅။ မက်မန်းဝိုင် ပြုလုပ်နည်း

၆။ ဆန်စပါကလင်ဝိုင် ပြုလုပ်နည်း

၇။ ဖရဲသီးဝိုင် ပြုလုပ်နည်း

၈။ သီဟိုဠ်သီးဝိုင် ပြုလုပ်နည်း

၉။ စပျစ်သီးဝိုင် ပြုလုပ်နည်း

၁၀။ နာနတ်ဝိုင် ပြုလုပ်နည်း

၁၁။ ဝိုင်ထုတ်လုပ်ခြင်းရဲ့သော့ချက်

 

သကြားပြောင်း တို့ဟူးအချို ပြုလုပ်နည်း

 

29/12/2021 13:30 PM တွင်  နှင်းဖြူ ဖြူ မှ ရေးသား

တို့ဟူးတွင် ရှမ်းတို့ဟူး၊ ပဲပြားတို့ဟူး၊ မြေပဲတို့ဟူး၊ ဆန်တို့ဟူး စသဖြင့် ရှိကြပါတယ်။ ထိုထဲမှာမှ သကြားပြောင်း ချိုချိုလေးနှင့် ပြုလုပ်ထားသော ပြောင်းဖူးတို့ဟူးမှာ အာဟာရလည်းဖြစ် အိမ်မှာ အလွယ်တကူ လုပ်စားလို့လည်းရသဖြင့် ပြုလုပ်နည်းလေးကို ပြောပြပေးပါမယ်။

သကြားပြောင်း တိုဟူးအချို လုပ်ဖို့ လိုအပ်တာလေးတွေက-

- သကြားပြောင်း- ၅ ဖူး (အရည်ညစ်လိုက်လျှင် 600 ml ခန့် ရပါတယ်)

- နို့မှုန့် - ထမင်းစားဇွန်း ၅ ဇွန်း

- သကြား- ထမင်းစားဇွန်း ၁ ဇွန်း

- ကုံကုမံ(ဝတ်ဆံ)Saffron- လက်ဖက်ရည်ဇွန်း ၄ ပုံ ၁ ပုံ (မထည့်လည်းရ) တို့ ဖြစ်ပါသည်။ 

ပြုလုပ်နည်းမှာ-

၁။ ပြောင်းဖူးစေ့တွေကို ဓါးနှင့်လှီးကာ စက်ထဲထည့်ပြီး အရမ်းညက်အောင် ကြိတ်ပေးပါ။

၂။ ကြိတ်ပြီးသည့် ပြောင်းဖူးများကို အဝတ်စသန့်သန့်ထဲ ထည့်ပြီး လက်နှင့်ညှစ်ကာ အရည်ကိုယူပါ။

၃။ ပြီးလျှင် နို့မှုန့်၊ သကြား နှင့် ပြောင်းဖူးအရည်ကို ကျိုမည့်အိုးထဲ ထည့်ဖျော်ကာ medium heat နှင့် ၅ မိနစ်မွှေပြီး ကျိုပါ။

၄။ ထို့နောက် Low heatလျှော့ပြီး နောက်ထပ် ၂၀ မိနစ် ထပ်မွှေပြီးကျိုပါ။ (မွှေနေရင်း ၁၅မိနစ်ခန့် ကြာလျှင် saffron ကိုထည့်ပါ)

 ၅။ ကျိုပြီးပါက ဆီအနည်းငယ်သုတ်ထားသည့် ပန်းကန်လုံးလေးထဲ ထည့်ကာ အအေးခံထားပါ။

အေးသွားသောအခါ ပန်းကန်ပြားတစ်ချပ်ထဲ မှောက်ထည့်လိုက်လျှင် ကလေးများအကြိုက် အာဟာရပြည့်ဝစေသည့် ချိုချိုမွှေးမွှေးဆိမ့်ဆိမ့်  သကြားပြောင်း တို့ဟူးအချိုလေးစားရန် အသင့်ဖြစ်ပါပြီ။

Ref; Chawsu ၏ “ပြောင်းဖူး တို့ဟူးအချို ပြုလုပ်နည်း"

 

ကုန်ကျစရိတ်သက်သက်သာသာနဲ့ ချိစ့်ခရင်(မ်) ဘယ်လိုလုပ်မလဲ

 

16/08/2021 14:45 PM တွင်  ကျော့နန္ဒာစိုး မှ ရေးသား

    နွားနို့ကနေ တန်ဖိုးမြှင့်ထုတ်ကုန်တော်တော်များများ ပြုလုပ်လို့ရတာလည်း သိပြီးသားဖြစ်မှာပါရှင့်။ ထောပတ်(မခမ်း)၊ ထောပတ်အဆီ၊ ဒိန်ချဉ်၊ နွားနို့ခဲ၊ မုန့်အချို စသဖြင့်ပေါ့။

    နောက်တစ်ခုအနေနဲ့ ချိစ့်ထပ်တိုးလာပါပြီ။ ချိစ့်ကိုလည်း နွားနို့ကနေပြုလုပ်ရတာပါ။ ချိစ့်လုပ်ဖို့ ပါဝင်ပစ္စည်းတွေကလည်း အလွယ်တကူရနိုင်တဲ့ ပစ္စည်းတွေပါပဲ။ ဒါပေမဲ့ အဆီအပြည့်နဲ့ အရည်အသွေးကောင်းမွန်တဲ့ နွားနို့ကို ရဖို့တော့လိုပါမယ်။ အဆီအပြည့်နွားနို့ကိုသုံးမှ အဆီပြည့်ဝတဲ့ ချိစ့်ခရင်(မ်) လေးကို ရရှိမှာဖြစ်တဲ့အတွက်ကြောင့်ပါ။

ပါဝင်ပစ္စည်းများ

အဆီအပြည့်နဲ့နွားနို့ ၁ လီတာ

သံပုရာသီး (သို့) ရှာလကာရည် (စားပွဲတင်ဇွန်း ၃ ဇွန်း)

ဆား (လ္ဘက်ရည်ဇွန်းဝက်)

ပြုလုပ်ပုံကို ကြည့်လိုက်ရအောင်

• အသုံးပြုမယ့် သန့်ရှင်းတဲ့အိုးထဲကို နွားနို့ထည့်ပြီး မီးပြင်းပြင်းနဲ့ကျိုပေးပါ။ နွားနို့ကျိုနေစဉ်အတွင်း ဆူသည်အထိ မွှေပေးနေရပါမယ်။
• ဆူသည်နဲ့ မီးလျှော့ကာ မီးအသင့်အတင့်ပေးပြီး အသင့်ပြင်ထားတဲ့သံပုရာရည်ကို ထည့်ရပါမယ်။ ဒီနေရာမှာ သံပုရာရည်ကို တစ်ဇွန်းစီ ခွဲထည့်ပေးပါ။ တစ်ဇွန်းထည့်ပြီးတိုင်း ၁ မိနစ်လောက်မွှေပေးရပါမယ်။
•  နွားနို့ အခဲနဲ့ အရည်ကွဲသွားသည်အထိ မွှေပေးပါ။ အောက်ခြေမှာ အစိမ်းရောင်အရည်နဲ့ အပေါ်ယံနို့အခဲတို့ လုံးဝကွဲသွားပြီဆိုရင် မီးဖိုပေါ်က ချလို့ရပါပြီ။
• နောက် သန့်ရှင်းတဲ့ဇလုံတစ်ခုပေါ်မှာ ဇကာတင် ပိတ်စအုပ်ပြီး နို့ခဲများကိုစစ်ယူပါ။ စစ်ယူထားတဲ့အနေအထားအတိုင်းကို ၁၅ မိနစ်လောက် အအေးခံပေးပါ။
• အအေးခံပြီးတာနဲ့ စစ်ယူထားတဲ့နို့ခဲတွေကို ကြိတ်စက်ထဲထည့် ဆားအနည်းငယ်ထည့်ပြီး ၃ မိနစ် ၄ မိနစ်လောက် မွှေပေးပါ။ 
• ရလာတဲ့ ခရင်(မ်)အပြည့်နဲ့ချိစ့်ကို လေလုံတဲ့ပုလင်းတစ်ခုခုထဲကိုထည့်ပြီး ရေခဲသေတ္တာထဲမှာသိမ်းဆည်းထားမယ်ဆိုရင် ၇ ရက်လောက်ထိ အသုံးပြုနိုင်မှာဖြစ်ပါတယ်။ အများဆုံး နှစ်ပတ်ထိသိုလှောင်သိမ်းဆည်းနိုင်ပါတယ်။

    ဒါဆိုရင် နူးညံ့တဲ့ ချိစ့်ခရင်(မ်)လေးကို ပေါင်မုန့်ပေါ်မှာ သုပ်စားတာဖြစ်ဖြစ် မုန့်ဖုတ်တဲ့နေရာမှာ အသုံးပြုတာပဲဖြစ်ဖြစ် အသုံးလိုတဲ့နေရာမှာ ကုန်ကျစရိတ်သက်သာစွာနဲ့ အသုံးပြုနိုင်ပြီပေါ့။

    နည်းပညာကို အသုံးများပြီး အလွယ်တကူပြုလုပ်နိုင်တဲ့ နည်းလမ်းကို မျှဝေထားပါတယ်ရှင့်။

Ref; https://www.biggerbolderbaking.com/how-to-make-cream-cheese/

မွေးစဝက်ငယ်နှင့် နို့ဦးရည်အရေးပါပုံ

 

    ဝက်မကြီးမွေးပြီးချိန်မှ ၁၂ နာရီအတွင်း နို့ဦးရည် (Colostrum) ထွက်ရှိပြီး ၄င်းနို့ဦးရည်တွင် ဝက်ငယ်များ၏ရောဂါကို တိုက်ထုတ်ပေးနိုင်သော (Immunoglobulin) ပါရှိပါသည်။

    နို့ဦးရည်မသောက်စို့ရသော ဝက်ငယ်များမှာ ရောဂါအလွယ်တကူ ဝင်ရောက်နိုင်သည့်အတွက် ဝက်ငယ်များ နို့ဦးရည်ကို ၁၂ နာရီအတွင်း အချိန်မှီသောက်စို့နိုင်ရန် ဝက်မွေးမြူသူမှ စောင့်ကြည့် ကူညီပေးသင့်ပါသည်။

    ဝက်မကြီး၏နို့တိုင်သည် တစ်ခုနှင့်တစ်ခု နို့ပေးနှုန်းမတူညီကြပေ။ ဦးခေါင်းဖက်ရှိ နှလုံးနှင့်အနီးဆုံးနို့တိုင်မှာ နို့ထွက်နှုန်းအကောင်းဆုံးဖြစ်သည့်အတွက် မွေးစဝက်ငယ်များထဲမှ အရွယ်သေးသောဝက်ငယ်ပါလျှင် ၄င်းနို့တိုင်ကို လူမှကူပြီး နို့မှတ်ပေးခြင်းဖြင့် ဝက်ငယ်နို့ညှပ်ပြီး အရွယ်ကွာဟခြင်းကို လျှော့ချပေးနိုင်ပါသည်။

    မွေးဝက်မသည် မွေးပြီး ၁၂ နာရီအတွင်း အဆက်မပြတ်နို့ချပေးပြီး နောက်ပိုင်း တစ်နာရီလျှင် တစ်ကြိမ်ခန့်သာ ချပေးတော့သည်။ တစ်ကြိမ်လျှင် (၂၀ မှ ၃၀) စက္ကန့်ခန့် ကြာသည်။

    မွေးဝက်မ၏ သားပေါက်ကောင်ရေပေါ်မူတည်ပြီး အစာအနည်းအများ ချိန်ဆကျွေးပါ။ နို့ပေးနှုန်းနည်းလာလျှင် အစာကိုလျှော့ကျွေးပါ။ အစာကျွေးနှုန်းများပြီး နို့ထွက်နှုန်းကောင်း၍ ဝက်ကလေးများ နို့ကုန်အောင်မစို့နိုင်ပါက နို့အုံတွင် နို့ကျန်ပြီး နို့အုံရောင်တတ်ပါသည်။

    ဝက်မကြီးအား အစာနှင့်တွဲပြီး အရွက်စိမ်းများကိုလည်း ထည့်ကျွေးသင့်ပါသည်။ သို့မှသာ ဝမ်းမချုပ်ဘဲ ကျန်းမာရေးကောင်းမွန်စေမည် ဖြစ်ပါသည်။ 

Ref: Dip LPAသင်ရိုးညွှန်းမှ ကူးယူဖော်ပြပါသည်။

တာရှည်အထားခံသော ဈေးကွက်ဝင်ထုတ်ကုန် "မျှစ်ခြောက်"

 

    မျှစ်တွင် ရေဓာတ်၊ အဆီဓာတ်၊ အမျှင်ဓာတ်၊ ကယ်လစီယမ်ဓာတ်၊ သံဓာတ်၊ ပရိုတင်း၊ ကာဗိုဟိုက်ဒရိတ်၊ ဂလူးကိုစ့် စသည့် ဓာတ်များအပြင် အခြားဗီတာမင်ဓာတ်များစွာ ပါဝင်သည်။ 

    မျှစ်အဖြစ် တူးယူစားသုံးနိုင်သော ဝါးအမျိုးအစားများစွာရှိသည့်အနက် ကျသောင်းဝါး၊ ကြခတ်ဝါး၊ ထီးရိုးဝါး၊ ဝါးနီ၊ မျှင်ဝါး၊ ဝါးကြီး၊ ဝါးဘိုးကြီး၊ ဝါးဘိုးမျက်ဆံကျယ်၊ ဝါးနက်၊ သိုက်ဝါးတို့မှာ ကြားဖူးနားဝဖြစ်ပြီး ထင်ရှားကြသည်။ 

    လူသားများသည် ဝါးပင်အောက်မှ မျှစ်စို့နုများကို တူးယူ၍ အစိမ်းအတိုင်း ကြော်စား၊ ချက်စားကြသည့်အပြင် မျှစ်ချဉ်၊ မျှစ်ခြောက်၊ မျှစ်ဆားစိမ်၊ မျှစ်ချို၊ မျှစ်ယို စသည့် အမယ်အမျိုးမျိုးပြုလုပ်၍ နှစ်ပေါက်ထားကာ စားသုံးလေ့ရှိကြသည်။ 

    ရှေးယခင်က မြန်မာနိုင်ငံတွင် မျှစ်ခြောက်စားသုံးမှုကို အညာဒေသများတွင် အများဆုံးတွေ့ရှိခဲ့ရသည်။ ယခုအခါ ရန်ကုန်မြို့ပေါ်ရှိ စူပါမားကတ်နှင့် ဈေးဝယ်စင်တာများတွင် ပြည်တွင်းသို့ Inport တင်သွင်းထားသည့် မျှစ်ခြောက်ထုတ်ကုန်များ ရောင်းချလာသည်ကို တွေ့ရသည့်အပြင် တရုတ်နိုင်ငံ၊ ဂျပန်နိုင်ငံ စသည့် အိမ်နီးချင်းနိုင်ငံများတွင်လည်း မျှစ်ခြောက်စားသုံးမှု မြင့်တက်နေကြောင်း သိရှိရသည်။

    မျှစ်ခြောက်ထုတ်လုပ်ရာတွင် မျှစ်၏အဖျားပိုင်းနှင့် အလယ်ပိုင်းဟူ၍ (၂) မျိုးရှိပြီး၊ အဖျားပိုင်း(အသားနု)ဘက်မှထုတ်လုပ်သော မျှစ်ခြောက်သည် ဈေးပိုမိုရရှိသည်။ အရသာမှာလည်း ဆားထည့်၍ပြုလုပ်ထားသော မျှစ်ခြောက်နှင့် ဆားမပါသော မျှစ်ခြောက်ဟူ၍ (၂)မျိုး ရှိပေသည်။

မျှစ်ခြောက်ပြုလုပ်နည်း 

- လတ်ဆတ်သော မျှစ်အစိုများကို သန့်စင်အောင်ပြုလုပ်၍ အပူချိန် (၁၀၀) ဒီဂရီစင်တီဂရိတ်တွင် ပြုတ်ပါ။ 

- (၃) နာရီကြာအောင် ပြုတ်ပြီးနောက် ဆယ်ယူ၍ လေလုံအောင် ပလတ်စတစ်အိတ်ကြီးများအတွင်း ထည့်၍ သိမ်းဆည်းပါ။ 

- ထို့နောက်မှာ တဖြည်းဖြည်းချင်းထုတ်၍ သေးငယ်သော အချောင်းများ၊ အလွှာပါးများ ရအောင် လိုအပ်သလို လှီးပါ။ 

- လှီးပြီးသောမျှစ်များကို သဘာဝနေရောင်ခြည် (သို့မဟုတ်)  Solar Dryer (သို့မဟုတ်) Oven စသည့် အပူပေးပုံစံ တစ်မျိုးမျိုးဖြင့် အခြောက်ခံပါ။

- ရရှိလာသော မျှစ်ခြောက်များကို လေလုံစွာပိတ်ပြီး ထုတ်ပိုးသိမ်းဆည်းထားပါက (၃)နှစ်ခန့် အထားခံကြောင်း သိရသည်။

အထက်ပါ နည်းအတိုင်းပင် မျှစ်ဆားစိမ်ကို အခြောက်လှမ်းကာ မျှစ်ဆားစိမ်ခြောက်အဖြစ်လည်းကောင်း၊ မျှစ်ချဉ်ကို အခြောက်လှမ်းကာ မျှစ်ချဉ်ခြောက်အဖြစ်လည်းကောင်း ပြုလုပ်သိမ်းဆည်း စားသုံးနိုင်ပေသည်။

နန်းထက်ထက်ချစ်

Ref: Forest Department